ഓഗസ്റ്റ് 9- ക്വിറ്റിന്ത്യാ ദിനവും നാഗസാക്കി ദിനവും..... അഹിംസയുടെയും അക്രമരാഹിത്യത്തിന്റെയും സമാധാനത്തിന്റെയും ആവശ്യകതയുടെ ഓർമകൾ നൽകുന്ന രണ്ടു പ്രധാന സംഭവങ്ങൾ ഒത്തുചേരുന്ന ദിനം... ഹിരോഷിമയിലെ കൊടും കുരുതിയിൽ മതിവരാതെ കൂടുതൽ ഉഗ്രപ്രഹരം നൽകിയ അമേരിക്ക... സ്വാതന്ത്ര്യ സമരത്തെ കൂടുതൽ ശക്തീയോടെ അടിച്ചമർത്താൻ വെമ്പുന്ന ബ്രിട്ടൻ... ഈ രണ്ടു ചരിത്രമുഹൂർത്തങ്ങൾ ആയിരക്കണക്കിനു രക്ത സാക്ഷികളെ സൃഷ്ടിച്ചു.. രണ്ടും സാമ്രാജ്യത്വ താത്പര്യങ്ങൾ സംരക്ഷിക്കാൻ... ധീര രക്തസാക്ഷികളെ, നിങ്ങൾക്ക് പാലാവയൽ സെന്റ് ജോൺസ് എൽ.പി.സ്കൂളിലെ കുരുന്നുകളുടെ പ്രണാമം.
ഓഗസ്റ്റ് 5- ലോകത്തെ നടുക്കിയ അമേരിക്കയുടെ അണുബോമ്പു വർഷത്തിന്റെ ഓർമദിനം.... ഇനി ഒരു ആണവ വിസ്ഫോടനം ഉണ്ടാകരുത് എന്ന ലക്ഷ്യത്തോടെ കുരുന്നു മനസ്സുകളിൽ യുദ്ധങ്ങളോടും ആയുധ പന്തയത്തോടും വിരക്തി ഉണ്ടാക്കുക എന്ന ലക്ഷ്യത്തോടെ പാലാവയൽ സെന്റ് ജോൺസ് എൽ പി സ്കൂളിൽ നടന്ന ഹിരോഷിമ ദിന പ്രവർത്തനങ്ങൾ...
*പ്രത്യേക അസംബ്ലി -യുദ്ധവിരുദ്ധ സന്ദേശം
*യുദ്ധവിരുദ്ധ റാലി-യുദ്ധവിരുദ്ധ പോസ്റ്ററുകൾ
*സഡാക്കോ കൊക്ക് നിർമാണം
റിയോ ഡി ജനീറോയിൽ നടക്കുന്ന ഒളിമ്പിക്സിന് ഐക്യദാർഢ്യം പ്രഖ്യാപിച്ച് പാലാവയൽ സെന്റ് ജോൺസ് എൽ.പി.സ്കൂൾ കുട്ടികൾ പാലാവയൽ ടൗണിൽ കൂട്ടയോട്ടം നടത്തി. ഒളിമ്പിക് പതാകയേന്തി നടത്തിയ കൂട്ടയോട്ടം കുട്ടികളിൽ ഒളിമ്പിക് ആവേശവും താത്പര്യവും ഉണ്ടാക്കും.. ഒപ്പം ഒളിമ്പിക് ലക്ഷ്യങ്ങളെ കുറിച്ചുള്ള അറിവും.
ഫ്രാൻസിൽ പ്രഭാത ദിവ്യബലി മധ്യേ ഭീകരൻമാരാൽ മൃഗീയവും പൈശാചികവുമായി കൊലചെയ്യപ്പെട്ട ഫാ.ഷാക് ഹാമലിന് പാലാവയൽ സെന്റ് ജോൺസ് പ്രൈമറി സ്കൂൾ കുട്ടികളും അധ്യാപകരും അന്ത്യാഞ്ജലികൾ അർപ്പിച്ചു.അദ് ദേഹത്തിന്റെ ചിത്രത്തിൽ കുട്ടികൾ പുഷ്പാർച്ചന നടത്തി.
മുൻ രാഷ്ട്രപതിയും ബഹിരാകാശ ഗവേഷണ രംഗത്ത് ഇന്ത്യയുടെ കുതിച്ചു ചാട്ടത്തിന് നാന്ദി കുറിക്കുകയും ഇന്ത്യൻ യുവതയെ പ്രചോദിപ്പിക്കുകയും ചെയ്ത 'മിസൈൽ മാൻ ഓഫ് ഇന്ത്യ' ശ്രീ.എ.പി.ജെ.അബ്ദുൾ കലാമിന്റെ ഒന്നാം ചരമവാർഷികം പാലാവയൽ സെന്റ് ജോൺസ് പ്രൈമറി സ്കൂളിൽ സമുചിതമായി ആചരിച്ചു.എല്ലാ ക്ലാസ്സുകളിലും ശ്രീ.അബ്ദുൾ കലാമിന്റെ ചിത്രം പതിച്ചു. നോട്ടീസ് ബോർഡിൽ അദ് ദേഹത്തിന്റെ പ്രശസ്ത വചനങ്ങൾ പ്രദർശിപ്പിച്ചു.സ്കൂൾ വരാന്തയിൽ അദ് ദേഹത്തിന്റെ ചിത്രം മാലചാർത്തി അധ്യാപകർക്കും വിദ്യാർത്ഥികൾക്കും പ്രണാമമർപ്പിക്കത്തക്ക വിധത്തിൽ ഒരുക്കി .ചിത്രത്തിൽ കുട്ടികൾ പുഷ്പാർച്ചന നടത്തി.
 | |
| ജൂബിലി വൃക്ഷത്തൈ നടീല്‍ |
